Mundaka

Zer ikusi Mundakan

Busturialdeko herririk politenetako bat bisitatzera gonbidatzen zaituztegu, Urdaibaiko Biosfera Erreserban. Mundaka Azoka Etxeatik 37 km-ra dagoen, arrantzale herri ederra da, bere kaleetan barrena galtzeko gonbita egiten duena. Gainera, giro aparta du, batez era udaberri eta uda partean.

Urdaibai erdi-erdian

Mundaka Urdaibaiko Biosfera Erreserban dago, Gernikako itsasadarraren bokalean. Kostaldera egiten diren ibilaldi zabalek Izaro uhartearen, Laida hondartzaren eta Ogoño lurmuturraren ikuspegi ikusgarriak eskaintzen dizkigute.

Kostaldeko beste herri asko bezala, Mundaka bere arrantza-portuaren inguruan eraiki zen. Noiz sortu zen zehatz-mehatz ezagutzen ez bada ere, XI. mendearen erdialdera existitzen zela frogatzen duten dokumentuak daude.

Portu ederraz eta bere inguruez gain, Mundakako kaleetan zehar paseatuz, hainbat eraikin interesgarri ikusi ahal izango ditugu, hala nola udaletxea, Santa Maria parrokia errenazentista, Larrinaga jauregia eta Donejakue bideko ospitale zaharra, gaur egun udal liburutegia dagoena.

Santa Katalina ermita

Herriaren erdigunetik minutu gutxira Santa Katalina punta dago. Talaia natural honetatik itsasadarraren bokalea ikus dezakegu. Bertan, Santa Katalina ermita dago, XVI. mendekoa. Euskal kostaldea astintzen duten denboraleen ondorioz, baselizak kalte ugari jasan ditu eta hainbat aldiz berreraiki behar izan dute. 2014an, ekaitz baten ondorioz, tximista batek kanpandorrea eraitsi zuen.

Mundakako ezker olatua

Surfa maite baduzu, Mundakako ezker olatuaren berri izango duzu. Izan ere, urtero milaka surflari erakartzen ditu Bizkaiko herri txiki honetara.

Udazken-neguko denboraldian izaten dira olatua sortzeko baldintza meteorologiko onenak. Mundakan hasten da eta itsasadarraren beste aldean dagoen Laidako hondartzaraino iristen da, 400 metro luze izatera iritsiz. Europako olaturik onenetakotzat jotzen da eta, horregatik, Mundaka hainbat aldiz izan da Munduko Surf Zirkuituaren egoitza.