Bilbo

Zer ikusi Bilbon

Joan den mendeko 80ko hamarkadaren amaieran, Euskadik krisi larria jasan zuen industria-sektorean. Horregatik, Bilbo berrasmatu egin behar izan zen aurrera egin ahal izateko.

Bilboren erabateko eraldaketa

Guggenheim Museoa eta Euskalduna Kongresu Jauregia, ontziola zaharren lurretan eraikiak, hiriaren birmoldaketaren giltzarri izan ziren. Horrela, Bilbok atzean utzi zuen bere paisaia ilun eta industriala, eta askoz hiri atseginagoa utzi zuen herritarrentzat, eta, gainera, ezinbesteko helmuga bihurtu zen mundu osoko milioika turistarentzat.

Alde Zaharra eta bere Zazpi Kaleak

Bilboko Alde Zaharrean, hasieran hiribildua osatzen zuten Zazpi Kaleak daude, eta gastronomiaz gozatzeko taberna eta jatetxe ugari daude. Areatza parkearen ondoan, itsasadarraren ertzean, Arriaga Antzokia dago, hiriko arkitektura-bitxietako bat.

Zubia zeharkatuz, Nerbioi ibaiertzetik paseo bat egin dezakegu, garai batean ezkerraldeko trenbidea zebilen tokitik, eta Guggenheim Museoraino eta Abandoibarra parkeraino iritsiko gara. Hiriko gune hau, bertan behera utzitako industrialdea izatetik bilbotarrek gehien erabiltzen duten berdeguneetako bat bihurtu da.

Guggenheim Museoa eta Arte Ederren Museoa

Arte Ederrren Museoko, Guggenheim Museoko eta Itxasmuseumeko bildumak bisitatzea, Artxanda mendira igotzea bere ehun urteko funikularrean Bilbo Handiaren ikuspegi batez gozatzeko, edo itsasadarretik Abrako porturaino itsasontziz paseatzea dira Bilbon galdu ezin ditugun jardueretako batzuk.